Tura Parade ground-o ong·atgipa P. A. Sangma Memorial Cricket Tournament-ni final kal·susaanio, 13 Tura Peak Prince XI dolrang Marak Transport A-ko wicket 6 chi amataha. Ia susaanio chegipa dolna gong lakh 2 tangkarangko on·angaha aro gnigipana lakh 1 ko on·angskaaha. Ia kal·susaaniko May 11 tarikoni a·bachengataha jeon chu·gimik dol 92 mang bakko ra·angaha.
Mijalo bon·kamgipa susaaniona a·dokni Speaker Thomas Sangma, Rangsakona MLA Subir Marak, GHADC-ni MDC Rakesh Sangma aro gipin dilgiparangba re·bae bakko ra·angaha. Ia somoini bako exibition kal·aniko ong·atangaha jekon Speaker XI aro Organising Committee baksa susagrikangaha.
Final susaanio, Marak Transport A skanggipa dokchenge chu·gimik 73 run rangko wicket 8 ko ga·akate man·angaha. Kal·a a·bachengaoni Tura Peak Prince XI dolrangni nambee go·anichi Marak Transport A dolrang bang·e run-rangko tarina man·jaha aro komibea nisankosan tarina man·aiaha.
Chu·gimik 73 runko rikenggipa Tura Peak Prince XI dolrang over 7.3-o wicket 4 kosan ga·akate altubee amataha. A·bachengo uamangoni seng·gnang wicket-ko ga·akatahaoba, Garcia Momin-ni simsake kal·e 26 runko man·anichi Rajumoni Kalita baksa bon·kamaona chenagita kal·angaha.
Bon·kame mijalni kal·anio Man of the Match-ko Tura Peak Prince XI dolni Hiraj Rabha man·angaha. Ia tournament gimikni Man of the Series-ko Sajon Sah Marak Transport A doloni man·angskaaha.
