South Garo Hills ni skulrango skie on·enggipa 4th teacher rang uamangni dormaha man·a nanggiparangko da·onan man·gija dongengani a·sel bang·a neng·nikanirangko chagrongenga ine South Zone 4th Teacher Association ni Organization Secretary Christbirth Momin parakataha. Gipin a·jarang jekai East Garo Hills, West Garo Hills aro North Garo Hills re·anggipa March aro April jani dormaharangko man·genchimoba South Garo Hills o skigiparangni kamko ka·giparangna jagni ni dormaharangko da·onaba on·kujaenga ine u·iatangaha.
Iani bidingo South Garo Hills ni District School Education Officer (DSEO) an·tangni ning·o kam ka·enggipa rangko simsak niroke skie on·enggipa teacher rangna dormaharangko man·a dipet ta·rakale on·pachina South Zone 4th teachers ni dilgiparang mol·molangaha. Indakgipa obostarangko chagronganichi skigiparang bang·a neng·nikanirangko man·enga aro uamangni bi·sa desarangna skul fee rangko gamani somoirangba ong·engahani gimin DSEO ko ta·rakale kam ka·e uamangni dormaharangko chamatchina didiangaha.
