Da·al pringni bako National Tobacco Control programme, West Garo Hills, District Sports Office aro West Garo Hills Cycling Association apsan bakrime Walkathon ko ong·atangaha.
Iako ong·atani miksonganiara manderangna sada aro ta·makku-ni namgijaniko ma·siatna Health Department nigita mikrakataniko on·a ong·ataha.
Ia programme-o bang·a manderang, bi·sa, chadambe aro Health Department o ka·gipa doctor rang bakko ra·angtokaha. Be·en bimangna an·seng baljokaniko rakkinagita bak ra·gipa manderang an·tangtangni cycle rangko ra·bae chalaiangan baksana ramarango jinma rejomaniko dakangaha.
Unbaksana ia namgijagipa pekgipa bosturangni ra·bagipa sabisirangoni naljoke aro mikrake dongna man·agita doctor rang adita champengna nanggipa ku·pattianirangkoba on·angjolaha.
