Chokpot Regional Unit ni GSU dolrang South Garo Hills ni Divisional Forest Officer ko gronge Darengre chibimaoniko rong·te bikotaniko dontongchina agangolporimaniko dakangaha. Indake niamni a·palo ia chibimaoniko ro·ong bikotaniko batanggimin salrango changni chang bang·a NGO dolrang ku·rang on·manahaoba maming ja·kurangko de·kujaenga ine janapangha.
Ia somoio Divisional Forest Officer, GSU dolrangna uamangni janapaniko nirokatna aro niamni a·palo a·songni gamjinko nosto ka·aniko dontongatna ku·chakangaha ine GSU dol parakataha. Ia chibimara songdongenggipa manderangna janggi tangani cholko on·enggipa ong·a aro indakgipa kamrangko ka·anichi bola wa·ako nosto ka·asan ong·aigija nitoanikoba rusiani ong·a ine GSU dolrang parakataha.
