Tura Civil Hospital-ko namdapatna taridapenggipa rika cho·anirangko a·dokni skotong Minister Conrad Sangma da·al salni bako nirokangaha. January jao Sangmani Civil hospital-ona re·bae nirokeani ja·mano CATH lab-ko a·bachengataha, jeon mijalo skanggipa changna surgery ka·ani namen chu·sokgipa ong·angaha ine parakataha.
Indake gital CATH lab-ko jakkale skanggipa changna surgery ka·ani name chu·sokahanina, Management aro Doctor-rangni dolrangko uamangni namgipa kamna Sangma de·mittelangaha. Iasan ong·aigija a·dokni dingtang dingtang hospital aro health care center-rangko manderangna nangagita nambata sanna bannaniko on·a man·agita namdapatnirangko dakangenga ine Sangma u·iatangaha.
Unbaksana Sanchakram biaprango rika cho·ani project-rangko nambatatna aro bilakdapatna dontonggija kamrangko ka·angkuchina Tura Civil Hospital-ni official-rangko Sangma didiangaha.
