North Garo Hills-ni District Horticulture Office (DHO)-nigita mijal salni bako Bajengdoba block-ni ning·o ong·gipa Rem Songgital songo, Central Sector Scheme-ni Mission Organic Value Chain Development for North Eastern Region (MOVCDNER) PHASE-IV ni ning∙o field visit ka·an baksana scheme-ni bidingo manderangna awareness programko ong∙atangaha.
Ia MOCVDNER scheme-ara ma∙mong sokarini dingtangmancha Northeast a∙dokrango game ge∙e chagiparangko organic ba maming samrangko jakkalgija ge∙a gamaniko dakchina didian baksana bading chiwalni a∙bako tang·doatna miksongani ong∙a. Unbaksana Northeast a∙dokrango indakgipa ge∙a gamanirangko dake me·su samjakrangko bading chiwalanio a∙doko ba a∙songosan ong∙aigija dingtang dingtang biaprangona ra∙ange bading chiwalani a∙bako bariatna aro janggitangani cholrangko ra∙dona game cha·giparangna agan skie on·a jaku de∙aniba ong∙a.
