Dhaligaon Bottling Plant-ko May 9 tarikoni 31 tarikona, bilsiantin dakrongbewalgita taridapaniko dakna dontongatna nanganiko da·al salo WGH-ni Deputy Director of Supply, a·jao LPG ko register ka·e jakkalengipa sakantinan u·iatangaha. Indake Dhaligaon Bottling Plant-ko adita somoirangna dontongatani somoio Company-nigita LPG rangko North Guwahati Bottling Plant-oniko dealer-rangna sokatskagen ine u·iatangaha. Ia somoirango adita LPG-ni chu·ongmangijanirangko chagrongna nangnaba donga ineba parakataha.
Una agreba pilak register ka·e jakkalenggiparang an·tangtangni noktango jakkalenggipa LPG ko ia somoirango simsake jakkalchina didiangan baksana bottling plant-ko kulipiltaiaona an·tangtangni Delivery Authentication Code (DAC) ko LPG-ko sokatgiparangna on·e booking ka·soaniko dakchinaba Supply-ni Deputy Director didiangaha.
