North Garo Hills a·jao dingtang dingtang school-rangni chatro chatrirang ta∙makuni bosturangko jakkalanichi songsalo manderangna namgijaniko ra·baaniko mikrakataniko on·a ramarango re·jomangaha. Ian a·doko ta·maku jakkalaniko bon·atna dakmesokani aro World Tobacco Day-ko a∙gilsak gimiko May 31 tariko manianiko dakna skang tarisamsoani ong·a. Ia program-ko North Garo Hills, Resubelpara ni DSEO office ong·atangaha.
Ia re·jomanio ta·maku jakkalanichi mandeni be·enni bakrangko nosto ka·na aro sabisirangko ra·bana amaniko manderangko mikrakatan baksana chatro chatrirang signature campaign-koba dakangaha. North Garo Hills-ni dingtang dingtang biaprango bang∙a skulrang May 20,2024 tarikona kingking re·jomaniko dakanggen ine DSEO u·iatangaha.
