East Garo Hills Williamnagar-o Khelo India Indoor Stadium Gallery-ko rikenganio namgijagipa ro·ongrangko jakkalenganina A·chik Progressive Approach (APA) CEB dolrang jegalaniko dakangaha.
Ia gallery-ko mangrakatna rikgimin pangchakna songgipa krongrangko chonchongipa ronggimik dakgipa ro·ongrangko jakkale dalai ka·anio, indakgipa ro·ongrango cement-rang namedake ma·gapja aro krongrang mangrakjawa ine janapan baksa rika cho∙anio nama bosturangko jakkale tarie on·taipilchina didiangaha.
Indake rika cho·anirango namgijagipa ro·ongrangko jakkalanina jako ra·e kam ka·enggipa Contractor-ni kosako APA dolrang badi ka·doan baksana, Department-nigita Junior Engineer biapona re·ange kam ka·enganiko dongpae nirokatna nangchongmota ineba APA dolrang dabiangaha.
