East Garo Hills a·jani damgni gitalgipa Sub-Centre-rango salni teng·aoniko bijoliko jakkalna man∙agita Global Himalayan Expedition (GHE) dolrang, Corporate Social Responsibility (CSR) ni bakgita solar panel-rangko chate on∙angaha.
Ia gitalgipa Sub-Centre-rang jean Songsak block-ni ning∙o ong·gipa Bolmoram Sub-Centre aro Rongjeng block-ni ning∙o ong·gipa Chikal Songma Sub-Centre rango solar-rangko chate on·anangaha. Ia salni teng·aoniko bijoliko jakkalaniara songdongenggipa manderangna sanna bannanio nambata cholrangko on∙e dakchakani ong·anggen.
Indakgipa project-rangko ra∙bana Global Himalayan Expedition (GHE) ni ja∙ku de∙anina, Deputy Commissioner Vibhor Aggarwal uamangko mittelangan baksana a·doko songdongenggipa manderangna nambata sanna bannaniko on∙a dakchakanggen ine aganangaha.
