A·dokni pilak chatro chatrirangko dingtang dingtang scholarship-rangna National Scholarship Portal (NSP) o nakatna skangan aadhar card-rangko an·tangtangna tarie ra·china Directorate of Higher and Technical Education parakataha. Aadhar card-rangko tarimanahaon scholarship-ni tangkarangko altue watatna man·agita chatro chatrirangko bank account-rang baksaba nangdimatchina janapataha.
Ia chango gitalgipa niamko ja·rike income certificate-rangko pilak a·jani Deputy Commissioner, Sub-Divisional Officer-rang aro Block Development Officer-rangoni on·atgiparangkosa scholarship-ni dorgastona ra·chakangna tik ka·angaha. Unbaksana gipinrangni pakwatgimin certificate ba affidavit ka·aniko ra·chakjawa ineba u·iatangaha.
