Tura Football League-ni Division A aro Division B ko ru·utgija somoio a·bachengna am·engahani gimin pilak manager-rangko GBHSS Chandmari football kal·chakramona re·bae tom·anio bak ra·epachina District Football Association (DFA) Tura u·iataha. Ia tom·aniko Division A aro Division B ni manager-rangna apsan somoio ong·atanggen, chong·motan May 11 tarikni 1:30 bajimango re·bae bakko ra·epachina DFA mol·molataha.
Division A-o kal·nasigipa football dolrangara Blue Max, Araimile SCYC, Galmak FC, Rongkhon Sporting, Chandmari FC, WI Spirit, Achapara Balmikka GSC, Greenwood, Danakgre YSCA aro Babelapara SYC ong·a.
Division B-o kal·nasigiparangara Wadanang Arts & Culture Club, Northern United, Doreng Sporting Club, Seltang FC, Nostu Nopantu SCYC, Ganolgre SYC, Sampalgre YC, Dokaku FC, Real Ambeng SC, Dilneng SCC, Cherangre YSCC, Ringrey Gittim YC, A·beng YC, Proper Burny Hills YC, Nokrek Medan YC, Upper Beldara SWDC, Dura Wasa FC, Chitoktak FC, Cha United SA, Rongbakgre SCC, Ambri Ading CYC aro Dalu United dolrang ong·a.
