Government Boy’s Higher Secondary School-ni Chandmari football kal·chakramo da·al salni bako Tura Football League 2024 ni 14 gipa football kal·susaanganiko dakangaha.
Da·alo Maram FC, BOCA Juniors dol baksa kal·susaanio dolgnian an·tangtangni changa sapaniko jakkale bil·tinggrike susagrikangaha. Uandake kal·susaanio BOCA Juniors ni Salrim Marak goal 1 aro Barnawel Shira goal 1 ko doltangna chipe on·angaha. Apsan daken Maram FC ni Treesbirth Momin goal 2 aro Togan Sangma doltangna goal 1 ko chipe on·e Maram FC ko cheatangaha.
Bil·tinggrike susagrikanio bon·kame, Maram FC goal 3 ko chipna man·angaha aro BOCA Juniors goal 2 kosan chipna man·e Maram FC dolrang chegipa ong·angaha.
