Re·anggipa salrango mikka balwa rakbeani a·selo South Garo Hills aro South West Garo Hills a·jao manderangni nokrang nosto ong·ahani gimin sorkarioni tin nokkingrangko suale on·anganiko Chief Minister Conrad Sangma parakangaha.
Uni agananigitade South Garo Hills o ge 500 na bate aro South West Garo Hills o adita nokrang nosto ong·aha ine u·ina man·angaha. Ia obostako ta·rake nirokatnagita sorkarioni Deputy Commissioner rang baksa agangolpogrike dakchakaniko on·china ge·etataha ine Sangma parakangaha.
Da·al saloba SGH Baghmara o aro SWGH a·jaoba tin nokkingrangko sualangan baksana dingtang dingtang cha·ani ringani aro nanggipa bosturangko suale on·angaha ine Sangma janapataha.
