Garo Hills Chess Association (GHCA), adita chanchianirangko dakangani ja·mano Tura songjinmao skanggipa changna Meghalaya Fide rated State level Championship chess kal·susaaniko re·baenggipa June jao ong·atna tik ka·angaha. GHCA dolrangni tom·e chanchirimani somoio uamangni office-ko niroknagipa gital dilgiparangkoba seokangjolaha ine GHCA dolrang u·iataha.
Uamangni dolko re·dilna Jesse James R. Marak ko President, Challangga D. Sangma aro Harlowe Sangma sakgniko Vice-President, Tengrang R. Sangma-ko General Secretary, Ezekiel Momin aro Zeffyar Sangma-ko Joint Secretary, Silberth Marak-ko Organising Secretary cum Treasurer, Tartush R. Marak-ko Accountant aro Silkam A. Sangma-ko Media aro Publicity Secretary-na gital seokangaha ine GHCA parakataha. Gitcham President Wilseng G. Marak aro Secretary Francis A. Sangma GHCA-o Advisor ong·e kamko ka·angskagen ine parakataha.
