Da·si attam mangni somoio, Walbakgre bajaro bike bolsa baksa scooty chatinggrike a·sel ong·angaha. Ia ong·a obosta gari bolsani bitdinmiting somoio mikkangchini re·baenggipako name nikgriksojae, bike aro scooty dolgnian ta·rakbee salbae a·sel ong·aona sokaha ine u·inagita man·aha.
Bajarni rama samtangtango garirangko simsakgija donanichi ramako apchangketatani a·selo re·rurana neng·nikbeani ong·enga. Ia ong·nanggija obostaba garirangko samtangtango donani a·selan ong·aha ine sing·sandie nianio u·ina man·angaha.
Bike-o sakgni godogipa BSF rangoni saksa a·sel ong·a bakan biaponi kataha aro sakgipin ja·a be·e saknaaniko man·aha. Scooty ko salgipa mandeba aditan ja·a jakrango saknaaniko man·aha. Bilongbee saknaa man·gipa BSF ko bakan Civil hospital-ona sanna bannaniko dakna ra·angaha.
