Garo Hills-o ding·anirang batroroenganiko aro chiring chring chibisikrangni tipanganiko an·ching niknagita man·engon ian mikkangchi china neng·nikanirangko chagrongnasiengani gimin mikrakataniko on·enga ine saksa Social Activist Cherian Momin aganangaha. Garo Hills-o inditan diltubegipa buring bolgrimrang aro bang·a chiring chibisikrang donggenchimoba, bol wa·arangko nisiatanichi aro niamni a·palo ro·ong an·chengrangko bikotanichi salantio jakkalnagita china dilaona sokengaha. Indakgipa sal somoina chengoni kensamsoaniko da·o chagrongna nangengaha aro ian manderangni gamjin na mikbokrake bol wa·ako nisiatani a·sel ong·a ine Momin parakataha.
Da·ororo koborrangko man·soanigitade, Garo Hills-o buring bolgrimrang namen komibeaha jean niamni a·palo bolrangko den·e badingsrukanichi aro niamgri koelarangko bikotanichi a·arangni rurongaona sokatenga. Indakgipa kamrangko ka·anichi ong·telaigipa gamjinrangko nosto ka·ani a·selo china dilaniko aro ding·ani batroroenganiko chagrongna nangenga ine Momin aganaha. An·chingni wilwilao donggipa chiring aro chibimarang rang·san tipanganiko niknagita man·engaha jeon buring bolgrimko nisiatanisan ong·aigija manderang da·o rongtalgipa ringani china dilaonaba sokengaha ine Momin janapaha.
Indake Garo Hills ni obosta namen namjabegipa ong·genchimoba, an·ching da·oba mikkangchina simsaksona ja·manchakkuja aro sorkarini dakchakaniko ra·e niamni a·palo ro·ong, an·cheng, koela bikotanirangko dongimin niamrangko pangchake dontongatna ja·ku de·ani somoi ong·engaha ine Momin ku·monganiko on·ataha. Ia ong·enggipa obostarangko niate, Garo Hills ni buring bolgrimrangko ripingnagita sorkariko didiatan baksana indakgipa mikrakataniko on·engon nie dongaigija nanggipa ja·kurangko de·e kamko ka·chinagitaba mol·molataha.
