NH-217 ni kamrangko ta∙rakkale ka∙e on∙china Rongjeng-ni MLA didianga

NH-217 jean Dainadubi-Darugre aro Songsak-gita Darugre-Williamnagar-ona dakanggipa ramako ta∙rakkale tarie on∙chinagita Rongjeng-ni MLA Jim M. Sangma mijal salni bako a∙dokni Skotong Minister Conrad K. Sangmako gronge mol∙molangaha.

National Highways and Infrastructure Development Corporation Limited (NHIDCL) dingtang dingtang obostarangchi pa∙sike ia ramani project-rangko gipin a∙dokona ba biapona tarie on∙a am∙enggipako ma∙sie, namnikgijaniko parakatna chittiko on∙agita tik ka∙angaha. Unbaksana a∙a nokgiparangnaba nanggipa tangkarangko on∙e ramani kamrangko ta∙rake a·bachengatchina chanchirimanikoba dakangaha.