West Garo Hills Selsella C&RD Block ni ning·o ong·gipa Bolsalgre songo da·si walni 12 baji mangni somoio nokdang ge·sani dongchakenggipa nok, babilsi, bostu donchakgipa nokko aro gari bolsako wa·al kame nisiatako man·aha. Iani bidingo Selsella block-ni BDO, District Disaster Management Office-ni Chief Executive Officer na chitti see u·iataha.
Ia a·sel ong·anio darangba maming saknaaniko man·jaha. Unbaksana nisiatako man·gipa nokdangni manderangna dongchakchengnagita dakchakaniko on·china aro nangagita tangka paisanigitaba dakchakanirangko on·chinagita BDO mol·molataha.
