Batanggimin April 16 tariko Assam a·dokni sak 3 manderangko ma·sina man·gijagipa manderangni so·ote gope galanina GSMC, AHAM, Depa Unit ni GSU aro songdongenggipa ma·a paarang, da·al salni bako NGH Wageasi kal·chakram biapo tom·e jegalaniko dakangaha.
Uamangni jegalani miksonganiara social media rango Wageasi songni manderangko jak donga ine jangatanina, indakgipa kakketgijagipa kattarangko ra·gale galchinagita dakangaha.
Goalpara aro Garo Hills ni social organisation rang dosi dakgiparangko am·sandianiko dake so·otako man·gipa manderangna kakket bichalko ra·bae on·china aro sianggiparangni nokdangna tangka paisanigita dakchakaniko on·pilskachinaba didiangaha.
