Ia changni Lok Sabha election-o a·dok gimiko chu·gimik 76.60% mangnigita pu·onaniko nikangna man·aha ine Chief Electoral Officer BDR Tiwari parakataha. Shillong parliamentary seat o 71.91% aro Tura parliamentary seat o 78.06% nigita pu·onangaha.
A·dokni ge 60 Assembly contsituency aro ge 3512 polling station-rango maming neng·nika gri pu·onaniko matchotatna man·aha ine Tiwari aganangaha. Kobor rangko man·soanigitade Shillong parliamentary seat o bang·bate pu·onaniko Mawkyrwat constituency-o nikangna man·aha jeon 78.82% aro Tura parliamentary seat ni Ampati constituency-o 82% pu·onangaha.
2019 Lok Sabha election-o chu·gimik 71.42% ong·a aro 2023 Assembly election o chu·gimik 86.81% ong·a ineba Tiwari u·iatangaha.
