Re·baenggipa 19 tariko Lok Sabha election ko tom·tome chusokatna man·agita South West Garo Hills, Ampati-ni Magistrate a·jao Section 144 CrPC ko ra·gatangaha jekon 17 tarikni attam 4 bajioni pu·onani matchotaona kingking ja·rikangnagita u·iatangaha.
Ia somoio pilak party dilgiparang, ja·rikgiparang aro election-ni bidingo tom·dake golpoanirangko dakjachina ge·etangan baksana gipin constituency oni re·bae campaign ka·giprang an·tangntangni constituency-ona bakan re·angpiltokchinagita u·iatangaha. Apsan daken jemangan election-o pangchake susaenggipani noko ba dingtang dingtang biaprango dongenggipa manderangkoba bakan re·angpiltokchinagita u·iatangaha.
Una agreba election pu·onani matchotjaskal pilak gam·atgipa bosturangko jakkaljachina aro election-ni bidingo agansamsoanirangko dakjachinagitaba u·iatangaha.
Ia niamko ra·gatanio Returning Officer, Assistant Returning Officer, Zonal Magistrate, Sector Magistrate, pilak election-o nirokna ba kam ka·na seokako man·giparang, sipairang aro niamgita kam ka·giparangsan ia ge·etgimin niamko jarikna nangjawa ineba u·iatangaha.
