Battanggimin April 6 tarikoni 10 tarikona World Chess Federation, All India Chess Federation aro Delhi Chess Association ni ning·o Matrix Chess Academy, 3 gipa Matrix Cup Open International Fide Rating Chess Tournament ko ong·atangaha.
New Delhi ni Abhinav Global School-o ong·atgipa kal·susaanio, India a·songni aro gipin a·songonirangba dongpae dongimin niamrangko ja·rike AICF ni ning·o biming segatako man·giparara bakko ra·angtokaha. Ia susagrikanio chegiparangna kal·susaani bon·kamao uamangna dingtang dingtang gadango pangchake boksisrangko on·angaha.
Ia Chess kal·susaanio Garo Hills ni Aeroville Higher Secondary School ni Ras Lal Upadhaya, Best in North East ni skanggipa boksisko man·angaha. Battanggimin salrango Ras Lal Guwahati-o kal·susaatgipaoba King Group-o gittamgipa gadangoba chebaaha. Una agreba Raktabh Dutta Choudary Memorial Northeast School Rapid Chess Tournament-oba ua gnigipa gadangko man·e chebaaha.
