TMC dolrangni Garo Hills ni dingtang dingtang biaprango campaign ka·anio, Tura seat na susaenggipa Zenith Sangma uni chena ka·dongsoaniko manderangna aganparakangaha. Uni agananigitade re·anggipa election-rangko niate nigenchimode, a·doko NPP dolrang voterangko bang·bate man·angaha ine aganangaha.
Iako aganengon NPP ni ja·mano TMC dolan BJP na vote batani gimin Congress dolrang bon·kamgipa aro komibate vote man·gipa ong·a. Iarangko niatgenchimode Congress dolna bate TMC dolan chang gittam mancha vote donganio batenga ine Sangma aganangaha.
Ia election-o chena komigipa 2,50,000 mangnigita vote rangko nanggen aro Congress-ni dongsogimin 65,000 vote mangmangchi Agatha Sangma ko ra·galna man·chongmotjawa ine Sangma a·kange aganangaha. Da·o ong·genggipa MP ko dingtangatna aro uko chokkioniko gangilatnagita TMC dolna agre darang dolba man·jawa ineba ua agandapangaha.
