School Federation of India ni ong∙atnasienggipa chang 67 gipa National School Games 2023-24 o a∙dokni gita basketball kal·gipa dolko watatna, Directorate of Sports & Youth Affairs tik ka∙angaha. Ia 67 gipa National School Games 2023-24 ko Guragram, Haryana o April jani 26 oni 30 tarikona ong∙atanggen.
Ia kal·susaanio bakko ra∙na gisik nanggipa bilsi 17 ni ning·o ong∙gipa me∙asarangna Shillong, NEIGRIMHS ni Indoor Basketball Stadium o kal·susaaniko ong∙ate kalna sapgiparangko April 10 tariko seokaniko dakanggen. Iano bakko ra∙na gita 2007 bilsini January 1 tarik, 2007 bilsini ning·ao atchigipa ong∙nagita nanggen, unbaksana verification ni somoio Aadhar card aro Birth Certificate originalko mesokna gita nanggen ine janapangaha.
Iani bidingo talbate ma·sina nanggnirang donggenchimode Directorate of Sport & Youth Affair ni Basketball Coach Smti Yolinda Hynniewta na 8794435276 ba 7005229172 phone number ona call ka∙ate sing·atna gita man∙gen ine parakataha.
