East Garo Hills a·jao Chief Minister Conrad Sangma, Agatha Sangma na campaign ka·engmitingo, CAA ko Meghalaya a·doko changalani gnang ine aganangaha. Northeast a·dokrangni Sixth Schedule a·jarango CAA ko changalchinagita, NPP party ma·mong sorkarini dilgiparang baksa golpomanaha ine Sangma talatangaha.
CAA ni bidingo talatengon, ian Pakistan, Afghanistan aro Bangladesh a·songrangoni a·rikgalako man·e 2014 bilsini December jana skang India a·songona re·bagipa Hindu, Sikh, Buddhist, Jain, Parsi aro Kristianrangna songdongkamnagita bimingko segatna tarigimin niamsa ong·a ine Sangma aganangaha.
Election-ni somoio CAA ko janape gipin party rangni tol·e sakkirangko on·enganiara, NPP ko galona dakenggipa aro manderangni gisiko bringbrangatna jotton ka·enganisan ong·aia ine Sangma aganangaha. Indake tol·e sakki on·e manderangko dilsretanirangko bebe ra·jachinagitaba Sangma agandapangaha.
