NPP ni Agatha Sangma, West Garo Hills Tikrikilla constituency ni ning·o ga·akgipa biaprang jekai Paham, Maulakandi aro Kathalbari rangona re·ange Lok Sabha election 2024 na campaign ka·angaha. Sangma baksa gipin dilgiparang, NPP ni National Secretary S. B. Sangma, Delhi ni NPP Secretary, Bihar aro Jharkhand ko nirokenggipa Rajiv Paswan, Bihar ni NPP National General Secretary Nitin Jaiswal, Tikrikilla ni MLA Jimmy D. Sangma, Cabinet Minister A. T. Mondal aro Raksamgre ni MLA Limison D. Sangma dongpae bakko ra·angaha.
Ia somoio Agatha Sangma baksa sak 100 mang TMC dolo ja·rikgiparang NPP na chakpaaniko on·a bakrimeaha ine koborna parakataha. Programo aganengon Agatha Sangma, NPP ni mikkangchi kam ka·na miksonganirangko talatangan baksana re·baenggipa MP election-oba apsan ku·monge kam ka·angna mol·molangaha. Sangma dingtangmancha MRSS, ARSUM aro MRWA dolrangkoba una chakpaaniko on·anina mittelangaha.
