Chang 20 gipa National MTB Championship ba cycle salsusaanio Silver Medal ko chebagipa NGH a·jani Taitus Ch. Marak ko Resubelpara songjinmani District Selection Officer da·al salo mande ra·aniko dakan baksa mittelpilskaaniko dakangaha.
Uni bimchipe aro gisik nangbee bakko ra·anichi ua ia susaanio gnigipa biapo ong·e Silver medalko chebanagita man·aha. Uni chu·sokaniara A·chik jatna mikkim rasongko ra·baan baksana mikkangchi chadamberangna namgipa dakmesokani ong·a.
Unbaksana re·baenggipa Asian Continental MTB Championship jekon 2024 May 8 tariko Malaysia a·songo ong·atnasienggipao, Marak India a·songni palo bakko ra·nagita seokako man·angaha ine koborna parakataha.
