Meghalaya pulis dol, 01 aro 200 Battalion BSF sipairang bakrime am·sandianiko dake, Bangladesh a·songchina badingsrukna miksonge donue donenggipa kg hajal 30 mang chinirangko South Garo Hills a·jani India-Bangladesh sima ari joloniko man·aha. Ia chinirangko sima ari jolni buringgripo donggipa galchipgimin nok ge·sao dandake donako man·aha ine chel·chakgipa dolrang koborna parakataha.
Am·sandie man·gipa hajal 30 kg chinirangko sepangbatgipa pulis thanaona ra·ange donaha aro talbate ma·sina sing·sandianirangko dakangkuenga ine parakataha. Kakketgipa koborrangko man·e dolgnini bakrime kam ka·anichi ia am·sandianio chu·sokatnagita man·angaha.
