West Garo Hills, Phulbari o donggipa Shyamnagar Adhoc High School ko rika cho·ani kamrangko chu·ongnikjae ACHIK, North West Zone-ni Co-Chairman, Anand R. Marak sorkariko nirok sandichina mol·molataha.
Ia school ko rika cho·ani kamrangko ka·na Phulbario oni Ajit Deka jako ra·aha. Marak ni parakatani gitade school nokko rikna namgijagipa bosturangko jakkalenga ine u·ina man·aha. Nokna pangchaknagita songgipa ja·pangko tarina baikamjanagipa boulder chips rangko jakkalenga ine Marak koborna parakataha.
Ia kamrangko uamang jinmani palo raken jegalate aro ra·chakna man·gijaniko janapate, sorkariko nirok sandie ja·ku de·china mol·molataha.
