Re·baenggipa Lok Sabha election-o postal ballot gita pu·ona am·enggiparangna donsogimin tarik aro somoirangko West Garo Hills a·jani District Election Officer parakataha. Dingtang dingtang assembly constituency rang jekai 45-Tikrikilla, 46-Phulbari, 47-Rajabala, 48-Selsella, 49-Dadenggre, 50-North Tura, 51-South Tura, 52-Rangsakona, 56-Gambegre aro 57-Dalu o ga·akgipa bilsi 85 na batgipa aro be·enni gita bilgripa manderangna postal ballot gita pu·onaniko April 8 aro 9 tarikni pring 7 bajioni attam 4 bajiona dakangna tik ka·angaha.
Ia on·gimin tarikrango seokgimin dolrang postal ballot gita pu·ona am·enggiparangni nokrangona re·ange pu·onaniko dakatanggen ine u·iatangaha. Manchie dongimin sal aro somoirango Postal Ballot gita pu·ona am·engipa manderangko an·tangtangni nokrango dongsopachinagita District Election Officer u·iate mol·molanikoba dakangaha.
