Garo National Council (GNC) dolrang da·alo EC tom·aniko ong·ate, re·baenggipa Lok Sabha election-o NPP ni Agatha K. Sangma na chakpaaniko on·a ra·chakangaha ine koborna parakataha.
GNC dolrang a·dokko aro chigako chalaianio da·o rikenggipa sorkari baksa bakrime adita bilsirangonin kamrangko ka·baenga. Da·o uamangni Agatha K. Sangma na chakpaaniko on·a tik ka·e ra·chakaniara NPP dolna gipinrang baksa susaanio mingsa bilakdapatani ong·anggen.
Ia chang MP election o, BJP dolrangoniba darangkon susanagita seokjaha aro ma·mongoni ge·etaniko man·e NPP dolna chakna ra·chakangskaaha. Iani bidingo bang·a BJP ni dilgiparang NPP dolna chakpaaniko dakchina ma·mongoni ge·etataniko nipiltaichina aganamanahaoba maming dingtangatanirangko dakujaenga ine u·inagita man·angaha.
