Rim·srukanga man·gipa bilsi 26 ong·gipa Leeku G. Momin ko North Garo Hills Police aro Mendipathar camp ni CRPF 120 Battalion dolrang bakrime am·sandianiko dake naljokatna man·aha. Momin ko walni 12:30 bajimango Abrong songni buring sepangjolo uni nokpanteo tusimiting somoio rim·srukangaha ine ma·sinagita man·angaha.
Momin ni agananigitade, uko rim·srukanggipa sak 7 ba sak 8 mang gnang ine u·iatangaha. Ia ong·a obostani bidingo am·sandianirangko dakangkuenga aro dosi gnanggiparangko sing·sandianirangko dake rim·na jotton ka·angenga ine koborna parakataha.
