North East Olympic Games ko March 18 oni 23 tarikona Nagaland-o ong·atgipao, Meghalaya Pencak Silat dolrang adita medal rangko a·dokni palo kal·e chebaaha.
Me·chik dolrangoni Kg 70 ni ning·o Tending kal·anio, Usefulness Lyngdoh Nongrum Silver medalko man·aha. Unbaksana Kg 60 ni ning·o Lakshmi Rabha aro Kg 65 ni ning·o Joplin Kharkylliang sakgnian Bronze medalko man·skaaha. Me·asa dolrangni Tending kal·anio Kg 50 ni ning·o Kyrshanlang Lyngdoh Silver medalko, Kg 60 ni ning·o Sanju Rabha Bronze medalko, Pranjal Rabha Kg 65 ni ning·o Bronze medalko, Moon Moon Rabha Kg 70 ni ning·o Bronze aro Indoarbiushbirth N. Marak Kg 45 ni ning·o Bronze medalko man·angaha.
Tunggal kal·anio Yuvraj D. Sangma Bronze medalko man·angaha. Garo Hills-oni kal·gipa dolrang ge 6 medalrangko man·baaha aro Khasi Hills-oni kal·giparang ge 3 medalrangko man·bae, chu·gimik ge 9 medalrangko man·baaha. Ia kal·aniko Elbiston Marak aro Eddy D. Marak skie on·anangaha.
