Assam a·doko Chess kal∙susaanio Tura Aeroville Higher Secondary School ni chatro saksa chebaa

11 gipa Raktabh Dutta Choudary Memorial nigita North East School Chess Tournament 2024 ko re·anggipa March 19 oni 22 tarikona Assam Jatiya Bidyalay, Noonmati, Guwahati-20 o ong·atgipao Tura Aeroville Higher Secondary School ni bilsi 17 ong·gipa chatro Ras Lal Upadhaya King Group o 3 gipa biapko man∙bae chenagita man·aha aro chu∙gimik kal∙susaanio ua 19 gipa biapko man∙baskaaha.

Ia chess kal∙susaaniko Mind Sports Foundation aro Assam Jatiya Bidyalay dol bakrime ong·atangaha jean All Assam Chess Association nigitaba ra∙chaka man∙gipa ong·a. Ras Lal Upadhaya an∙tangni miksonganiko dontonggija rake kam ka·anichi ia chess kal∙susaanio chu∙sokgipa aro chegipa ong∙e a·dokna aro Tura songjinmana rasongko ra∙baaha.