Shillong songjinmani Main Secretariat Conference noko, a·dokni Chief Electoral Officer tom·aniko dakdile Model Code of Conduct ni somoio tangka paisa ba bank-ni dakna nanggnirangko chanchirimangaha. Ia tom·anio, electionni somoio bank-rang tangkarangko name ra·rurana man·agita, Indian Bank’s Association ni on·gipa Standard Operating Procedure (SOP) ni bidingoba chanchirimangaha jean pu·onani kolrangko niroke porikka ra·e nigipa kamkoba ka·anggen.
Ia election-ni somoirango tangkarangko ra·ruraenggipa agency ba company-rang bank-ni tangkana agre gipin manderangni tangkarangko garirango ra·bitaniko nirokchina bank rangko ge·etangaha. Agency rang tangkarangko ra·angengon bank-ni tangka watatani on·gimin chittirang ba document rangko, ATM rangona tangka chipna ra·angani sakkirang aro gario gaenggipa manderang agency-tangtangni on·gipa ID cardrangko ganchinaba ge·etangaha.
Election Commission-oni District Election Officer ba gipin official-rang tangka ra·angenggipa gariko neng·takate am·sandianiko dakgenchimode, agency uamangni ra·bitenggipa lekka pancharangko Election Commission na mesokna man·gen. Unbaksana tangkarangko rim·ame nina man·jawa ine u·iatangaha.
Election Commission ni Systematic Voters’ Education aro Election Participation (SVEEP) program ni bakgita dingtang dingtang pu·ongiparangna mikrakataniko ra·bagipa bosturangko bank/post office ranggita sualangna tik ka·angaha. Ia 2024 Lok Sabha election-o manderangni pu·onaniko bariatna aro bang·bata a·dok gimikni manderangna ia mikrakaniko sokatna bank/post office rang bakrimna ra·chakangaha ine a·dokni Chief Electoral Officer parakangaha.
