Mijal salni bako West Garo Hills Gonchudare sub-centre ni ning·o ong·gipa Sonjelpara songo Poshan Pakwada jekon March 9 tarikoni March 23 tarikona ong·angenggipa aro mental Health programme Meghalaya Health Department nigita ong·atangaha. Ia programme ko ong·atani somoio Village Health and Nutrition Day koba maniangjolaha jeon anemia sabisiko porikka ra·e nianiko dakangan baksana Absolute Neutrophil Count (ANC) ba mandeni sabisioniko naljoke dongna amaniko niani aro sabisirangoniko warachaknagita tikkarangkoba su·angaha.
‘Anemia’ katta bichongo pangchake ia sabisirangko man·ani, naljoke dongani, sanna bannani aro be·enko an·seng baljoke rakkina cha·a ringani bidingo agan talatanirangkoba on·angaha. Ia programko name chu·sokatna man·anagita pilak manderangan gisiko nangbee bakko ra·angenga.
