Re·baenggipa Lok Sabha election 2024 na tarisamsoagita, Systematic Voters’ Education and Electoral Participation (SVEEP) aro niamrangko ja·rike pu·onanirangko name chu·sokatna man·agita da·al salo DRDA Conference Hall, Turao West Garo Hills ni DC Jagdish Chelani tom·e chanchirimaniko dakdilangaha.
Ia tom·e chanchirimani somoio re·baenggipa salrango SVEEP ko dake ja·rikna man·agita, skanggipa changna pu·onenggipa, chadamberang, bilsi dal·giminrangna aro dingtangmancha be·ennigita bilgrigiparangna, pu·ona re·bagiparang komibatgipa biaprangna, nokantiona re·aniko dake SVEEP ni bidingo campaign rangko BLO nigita ong·atangna tik ka·angaha ine ADC WGH Election In-charge Nipon Hajong aganangaha. Unbaksana battanggimin election-o, Chandmari aro Fancy Valley-ni polling station rango pu·ona re·bagiparang namen komianiko nikna man·e ia chango pu·ongiparangko bang·batatna dingtang dingtang kamrangko ka·na mangsonge donangaha ineba ADC aganangaha.
Una agreba democracy ko bilakbatatnagita pilak pu·ona man·gipa manderangko niamrangko ja·rike pu·onaniko dakanichi namgijagipa kamrangko bonatna aro kakketo pu·onaniko chu·sokatnagita DEO didiangaha.
