Re·baenggipa Lok Sabha election-o, Turani biapna susanagita Trinamool Congress dolrang Rangsakonani gitcham MLA aro Dr. Mukul Sangmani jonggipa Zenith Sangma ko seokangaha. Batanggimin salrango Sangma uni chubatgipa dilgiparang baksa Congress oni TMC dolona bakrimeaha aro da·o ua Turani biapo ong·enggipa MP Agatha baksa susagrikanggen.
Ia ja·ku de·aniko salgnina skang Congress dolrangni West Bengal-o MP na susanasigiparangko biming mingsoani ja·mano TMC dolrangba Zenith Sangmako susaatna tik ka·angskaaha. Batanggimin somoirango Congress dolrang TMC baksa West Bengalo bakrime kam ka·na Turani biapna bame on·a agananirangko dakangaha jean uamangni chanchisoanigita ong·jaha ine u·inagita man·aha. Indake ong·engon adita salrangna skang Dr. Mukul Sangma uamangni ia kamna namnikjae ian INDIA bloc-o bakrime kam ka·anirangko be·atani ong·a ine agananirangkoba an·ching nikangnagita man·angaha.
