Jal Jeevan Mission-ni ning·o Upper Rongreng Baija Water Supply Scheme-ko PHE Minister Marcuise Marak baksana East Garo Hills-ni Additional Deputy Commissioner, Samanda C&RD Block-ni BDO, PHE Departmentni officialrang aro Village Water and Sanitation Committee (VWSC) ni member rangni dongpaanio da·al salo oprake a·bachengate on·angaha.
Chirangko watnagita chiko chimongchakgipao 140,000 litre nigita chakgipa ong·a jean nokdang ge 174 rangona chiko sokate namgniko on·anggen ine PHE Minister Marcuise Marak aganangaha. Ian Har Ghar Jal ba nokantiona chiko sokatna kam ka·anio mingsa a·dok sorkarini chu·sokaniko mesokani ong·a ineba Marak aganangaha.
Da·o dipet Jal Jeevan Mission-nigita Meghalaya a·dok 75.30% mangni kamrangko matchotaha jeon nokdang ge 490,534 FHTCs (Functional Household Tap Connections) ba nokantiona chi jokgipa pipe rangko sale on·anio chu·sokatnagita man·angaha.
