Batanggimin 2022 bilsini Board porikkao name chu·sokgipa chatro chatrirang jerangan MBOSE SSLC, MBOSE HSSLC, ICSE, ISC aro CBSE class X aro Xll ni porikkarango name chu·sokgiparangna mande ra·anigita laptop-rangko boksis on·angna mijal salo Meghalaya sorkari parakataha. Ia IT Award rangko man·a kragipa chatro chatrirang online gita on·gimin website www.ditmeghalaya.gov.in o register ka·nagita man·gen ine u·iatangaha.
Website-o bimungrangko gatatgipaoni bon·kamgipa chatro ba chatri baksa apsangipa ba una bate mark rangko man·genchimode, je chatro chatriba original mark sheet, ID aro gipin nanggipa lekkarangko Directorate of IT & Communication ona ra·ange agangriknagitaba man·gen.
Bimung tangtangko segatnagita March 15 tarikoni April 26, 2024 tarikona man·gen aro iani bidingo talbate ma·sina sikgenchimode meghitawards2024@gmail.com-o mail ka·ate ma·sie ra·nagita man·gen ineba u·iatangaha.
