Da·al salni bako West Garo Hills a·jani Tura District Auditorium o Government of Meghalaya, DCIC, Meghalayan Age Ltd. aro Meghalaya Tourism nangrime pring 10:30 oni attam 5 bajiona Homestay Expo-ko ong·atangenga. Ia expo-o Meghalaya Tourism ni ning·o home stay rangko tarie chalaienggipa manderang aro mikkangchi home stay rangko dakna miksongenggipa chadamberang, chatro chatrirang aro ma·apa dolrangba sokbae bakko ra·angtokaha.
Ia expo ni bako Tourism Departmentnigita, Meghalaya Tourism ni Apps ko jakkalani bidingo agantalatangaha. Uandake home stay ko chalaienggiparangna aro chalaina miksongenggiparangna adita u·i ma·sigipa changgipa sapgipa dilgiparang dingtang dingtang dake agantalatanirangkoba dakangaha.
