March 9 tariko Williamnagar songjinma aro sepang jolo donggipa jekai Samanda, Chiading aro Rongsak songrango pringni 9 bajioni attam 2 bajiona bijoli den·aniko dakangnagita Meghalaya Power Distribution Corporation Limited (MePDCL) u·iataniko dakangaha.
Ia bijoliko den·aniara Nongalbibraoni Williamnagar-ona ra·anggipa 33 KV lineko tarinagita aro buring bolgrimrango bol wa·arangni a·selo lineko nosto ong·ataoniko naljoke rakkina uarangko den·roke galnagita miksonge adita somoirangna bijoliko den·asienga ine u·iatangaha. Bijoliko dongimin somoina skangan sengnang watpiltaina jotton ka·anggen ineba MePDCL janapangaha.
