Da·ororo Tura songjinmani ramasamrango songgipa street lightrangna ja·pango pangchakna tarigipa kamko namgija dake tarie donanganiko niknagita man·enga. Bang·a lightrangni ja·pangko blockrangchi tariangaha jean da·o ru·utgija somoini gisepon nosto ong·na a·bachengengaha. Tarigimin bimangko nigenchimode rikingrango blockrangko apsan gadango gatjaha aro nanggipa bosturangko chu·ongagita on·jani a·selo mangrakgipa ong·gijaniko nikna man·engaha.
Bang·bata street lightrangko re·anggipa bilsio songjinmani ramarango songaha aro da·o ia lightrangko walni somoio ching·atenga. Indake ong·genchimoba mitam lightrang ru·utgijaan nosto ong·e ching·gija donganikoba nikna man·enga. Ian songjinmani biaprangko nitoatna aro silroroatna sorkarini ra·bagipa kamni bakrang ong·a. Iako tarina jako ra·giparangni nirokgija kamrangko ka·atanichi namgipa kamko rusiaona ra·baa jekon jinmani namgnina kraa bewalo kamko matchotate ka·na nangani ong·a.
