East Garo Hills, Rongjengo Anti-Corruption Foundation of India (ACFI), Garo Students Union (GSU) Rongjeng Regional Unit aro Niksamso Garo Community Organisation (NGCO) dolrang Rongjeng SBI Branch-ni cash counter o riting riting dake ru·ute chadenge dongna nange neng·nikaniko nirokatchina mol·molanga.
Rongjeng branch-o account donggiparangni bank ona tangka bikotna ba chipna re∙anio ru·uta somoirangna riting riting dake chadenge sengna nanganiko u∙iataha. Iani bidingo nirokatate ge·gipin cash counter ko tarie on·china gita NGO dolrang didiangaha.
Ge·gipin Cash Counter ko on·anichi kam nangana re∙bagipa manderangnaba somoirangko re·atgija aro bank ni gita kamrangko ka·naba nengrabatatgen ine janapangaha. Iani bidingo ta∙rake nirokatchina aro kamrangko ka·atchina gita NGO dolrang bank ko chalaienggipa aro nirokenggiparangko mol·molangaha.
