Mijal salo Panjabari Road Guwahati ni Shilpagram Auditorium-o All Guwahati A·chik Students’ Association (AGASA) dolrang annual meet ko ong·atan baksana blood donation camp koba ong·atjolangaha.
Ia annual meet ko ong·atani miksonganiara dingtang dingtang biaprangoni re·bae Guwahati o poraienggipa chatro chatrirang ku·cholsan ong·e melie nangrime kamrangko ka·na man·agita tom·bimongani ong·a ine AGASA ni President Silseng M. Sangma parakataha.
Ia tom·aniona Mahendraganj-ni MLA Sanjay A. Sangma mongsonggipa sokgipa ong·e chatro chatrirangna uni namgipa ku∙pattianirangko on∙angaha. Unbaksana an·chiko on·gilgiparangna Blood donation ni certificate-rangkoba suale on·angjolaha.
