Mijal salni bako South West Garo Hills ni Takuranbari aro Ishakuri jolrango Assam a·dokoni niamgri napdrabae a·arangko a·kange songdongenganina South Western Zone AHAM dolrang nirokeaniko dakangaha.
Ia nirokeaniko dakna gita Additional Deputy Commissioner (ADC), Betasing Block ni BDO, DSP, Belbarini A·king Nokma, songni manderang aro dingtang dingtang NGO rang jekai ASPF FAF, CSAWO dolrang baksa apsan bakrime kamrangko ka·angaha.
Ia nirok sandianio, Meghalaya a·doko niamgri songdonge Assam ni JJM ni namgnirangko man·e dongenganirangkoba ma·sinagita man·angaha ine South Western Zone Ampati, AHAM ni General Secretary Wester G Sangma parakataha.
