Sampang 2, 2025
RNI No. - MEGGAO00012
  • Home
  • Contact
Ku∙rongdik
  • Meghalaya
  • North East
  • National
  • International
  • Editorial
  • Entertainment
  • Sports
No Result
View All Result
Ku∙rongdik
Home Meghalaya

Ku∙tangko dal∙e ra∙na aro ripingnagita International Mother Language Day ko A·chik Literature Society ong·atanga

Ku∙rongdik by Ku∙rongdik
22 Dongro 2024
in Meghalaya
0
International Mother Language Day, NEHU, Tura

International Mother Language Day, NEHU, Tura

0
SHARES
1
VIEWS
Share on FacebookShare on Twitter

Mijal salni bako International Mother Language Day ko Tura NEHU campus Academic Block-II ni Conference Hall o A·chik Literature Soceity (ALS), NEHU Garo Department aro Tura Don Bosco College ni Garo Department apsan bakrime ong·atangaha. Ia programko, ia bilsini International Mother Language Day ni dongimin theme ba katta bichong, “Multilingual education is a pillar of intergenerational learning” o pangchake a·doko ku·tangko mikkangchi dal∙e ra∙na aro ripinge rakkinagita miksonge ong·atangaha.

Ia tom∙aniko ALS ni Joint Secretary Dr. Rosa Mary Ch. Sangma dilangaha aro tom∙aniona sokbagiparangna rimchaksoani kattarangko ALS ni Vice President aro Dr. Dokatchi Ch. Marak aganangaha. International Mother Language Day ni itihasni bidingo Garo department ni HOD Dr. Jacqueline R. Marak agantalate on∙angaha. A∙gilsak gimiko donggipa ming hajal 7 ku∙sikrangoni da∙o atagrikmangde ku∙sikrang gimaangengaha jean re∙baenggipa gital chasongrango iana bang∙baten gimaaniko nikangkugen ine Marak u∙iatangaha. Iako aganengon A∙chik ku∙sikko niatgenchimoba A∙tongna agre gipin ku∙sikrangni gimaanganiko nikna man∙engaha jeon aganritingbagipa ku∙sikrangni gimajokon A∙chikrangni dakbewalrang gimaaha ine chananiko man∙aiaha indiomangba ku∙tangko ripinge tange dona man∙genchimode an∙chingni A∙chik jatni dakbewalrang gisiktangtango tange dongangnagita dakchakanggen ine Marak aganangaha. A∙chik jat ong∙e an∙tangtangni jatna aro ku∙tangna rasong chana nanganiko aganan baksana sea jotanichiba atchu-ambini aganritingbagimin kattarangko ripinge donagita didiani kattarangkoba aganjolangaha. Ku∙tangna ka∙saaniko aro ripingna skaniko an∙tangtango daitoko done ku∙siktangko gamchate ra∙e re∙baenggipa dambe chadamberangna skie on∙agitaba Marak didiangaha.

ALS ni program-ona okamatako man∙e saksa ki∙tap segipa Kroshnild D. Sangma ma∙ani ku∙sik maikai an∙tangni atchiaoni ong∙baenga iani bidingo aganangaha. Sangma, an∙tangni poraimiting somoirangko gisik ra∙ate poraienggipa chamdamberangko uamangni poraimiting somoion A∙chik a∙songni ki·tikbrini ku∙sikrangko skie ra∙chinagita didiangaha maina poraimiting somoion dingtang dingtang biaprangoni poraina re∙bagiparang gnang aro ian ki·tikbrio agangipa ku∙sikrangko skie ra·nagita namgipa chol ong∙a ine Sangma aganangaha. A∙chik ku∙sikchi ki∙taprangko senagita ki·tikbrini ku∙sikrangko ma∙sichengna nangchomotaniko Sangma aganangan baksana poedo aro golporangko seanio ia ki·tikbrini ku∙sik, ma∙gitcham pagitcham ni ku∙sik, katta me∙apa, katta ku∙jikse agananiko man∙a nanga maina uko ma∙siosa somoinikri kattako jakkalna man∙a ineba Sangma aganangaha. Unbaksana da∙ororoni chasongo ma∙ani ku∙sikko agananirang gimaangenganiko nikna man∙engani gimin chadamberangko ma∙ani ku∙tangko tange ripingangchina Sangma didiangaha.

ALS ni Executive member I R. Sangma ia salko maniani bidingo agantalate on·anggiparangko mittelpilangan baksana an·ching saksa A·chik jat ong·e A·chik ku·sikko agananiara jattangni dakbewal rikbewalko ba ku·tangko gipin jatrangna A·chik jatko mesokani aro rasong chaani ong·a ine aganangaha. Una agreba gipin jatrangni maikai ku·siktangko dal·e ra·e jakkalrongengagita an·chingba A·chik ku·sikko dal·nikna aro salantio jakkalronggipa kattarangkosan jakkalaigija A·chik ku·sikni ning·tuaniko lekka serakgipa ba u·i ma·sigipa manderangoniko skie ra·an baksana ripingangkuna didiangaha.

Ia multilingual education ko bi∙sarangna on∙ani ba lekka-porako skie on∙aniara, bi∙sarangni poraina a∙bachengon ku∙siktangchi a∙bachengo chanchianirangko (conceptrang) u∙iningna dakchakaniko on∙a aro ku∙siktangchi skianiko man∙on traditional knowledge ba atchu-ambiniko chasongni chasongna on∙rikrikbagimin u∙ianiko man∙riknagita dakchaka ine ALS ni General Secretary Crystal Cornelious D. Marak, ALS ni President Caroline R. Marak ni palo aganangaha. Indakgipa skianirangko on∙anichi jatni gimin ma·siani, culture ba bebe ra∙anirang, dakbewalrang aro kattarangko gimaataona sokatjawa ineba Marak agananga. Ku∙siktangko skie ra∙gija ku∙tangko gimaataniona sokatahaon uko tangchapilatna jotton ka∙genchimoba ua aganenggipa kattarang tanggipa ku∙sik ong∙jawaha aro jatni bebe ra∙ani aro daka rikanirangko gimaatgen. Ia indakgipa a∙selona sokatjanagita ku∙siktangko skie ra∙e ripingnagita A∙chik sakantini daitoan ong∙a ineba Marak agan ku∙pattie on∙angaha.

Ia programona Tura Govt. College ni gitcham skigipa Viola K G. Momin mongsonggipa sokgipa ong·e uni janggi tanganio A·chik ku·sikko dal·e ra·gija aro gipin ku·sikko jakkalrongani a·selo da·ororoni chadamberangni A·chik ku·sikko ong·gija ba meligija jakkalanirangko aganengon, minganti kattarangna kragipa kattarangko jakkalna nangani bidingo aganangaha. Unbaksana saksa Baptist Missionary F W Harding-ni A·chik ku·sikko tange rakkina aro ripinge 1903 bilsio A·chik ku·sikchi segipa “A·chik Ripeng” ingipa ki∙tap nakatanikoba janape A·chik ku·sikko ripingna nangani aro uni gamchatani bidingoba Ma Viola aganangaha. Gipin ku·sikko agane rasong chaana bate an·ching ku·tangko jakkale rasong chana aro ku·tangko ripinge nambatatna didianiko on·angan baksana sakanti ma·a paarangko mikkangchi ku·tangni gamchataniko dedrangna skie on·angkuna ja·ku de·nagitaba didiangaha.

Ia program o ge∙gni session rangko ong∙ate chatro chatrirangna skanggipa session o poedo aro golporangko seani bidingo ALS ni Vice-President Dr. Colnat B. Sangma skie on∙angaha. Gnigipa session o NEHU Tura Campus, Garo Department ni Professor Fameline K. Marak kan∙dikgipa golporang, poedo aro gahonni bidingo aganprake on∙angaha. Bon∙kame ia program o bak ra∙giparangna Certificate rangko sualanikoba dakangaha.

Tags: A·chik Literature SocietyInternational Mother Language DayNEHU Tura CampusTura
Previous Post

SWGH a∙jao Assam a·dokoni niamgri re∙bae songdongenganina AHAM dolrang nirok sandianiko dakanga

Next Post

NBA Junior ni Coach EGH ona re·bae Basketball kal·ani bidingo skie on·angenga

Related Posts

GHADC-ni dormahani bidingo golpona Dr. Mukul aro TMC MDC-rang Governor-ko gronga
Meghalaya

GHADC-ni dormahani bidingo golpona Dr. Mukul aro TMC MDC-rang Governor-ko gronga

2 Sampang 2025
Deputy Chief Minister Prestone Tynsong
Meghalaya

ADC rang tangka paisa man·ani cholrangko an·tangtang nakatatna nanga, nangana bate koros ka·na nangja: Tynsong

2 Sampang 2025
World Breastfeeding Week 2025-ko Tura Christian Hospital-o gisik ra·e manianga
Meghalaya

World Breastfeeding Week 2025-ko Tura Christian Hospital-o gisik ra·e manianga

1 Sampang 2025
South West Garo Hills a·jao gitalgipa SHG Outlet-ko kulia
Meghalaya

South West Garo Hills a·jao gitalgipa SHG Outlet-ko kulia

1 Sampang 2025
Meghalaya Pineapple Fest-ko Delhi songjinmao a·bachengataia
Meghalaya

Meghalaya Pineapple Fest-ko Delhi songjinmao a·bachengataia

1 Sampang 2025
Tura Civil Hospital-o cancer screening programko ong·ata
Meghalaya

Tura Civil Hospital-o cancer screening programko ong·ata

1 Sampang 2025
Next Post
NBA Baksetball Coaching, EGH

NBA Junior ni Coach EGH ona re·bae Basketball kal·ani bidingo skie on·angenga

RECOMMENDED NEWS

5-gipa aro 3-gipa Me·a Me·chik dolrangni Inter Mahari Football kal·susaaniko oprake on·anga, Rongmuthu 5-1 goal-rangko Dawa ni kosako chipe chea

5-gipa aro 3-gipa Me·a Me·chik dolrangni Inter Mahari Football kal·susaaniko oprake on·anga, Rongmuthu 5-1 goal-rangko Dawa ni kosako chipe chea

2 Sampang 2025
Indian Film Festival of Melbourne 2024-o Dominic Sangma Best Director award-ko man·a

Dominic Sangma ni ‘Rapture’ jawilwat National award ko man·bataia

2 Sampang 2025
GHADC-ni dormahani bidingo golpona Dr. Mukul aro TMC MDC-rang Governor-ko gronga

GHADC-ni dormahani bidingo golpona Dr. Mukul aro TMC MDC-rang Governor-ko gronga

2 Sampang 2025
Deputy Chief Minister Prestone Tynsong

ADC rang tangka paisa man·ani cholrangko an·tangtang nakatatna nanga, nangana bate koros ka·na nangja: Tynsong

2 Sampang 2025
Ampati District Football Association MFA baksa chapatako man·a

Ampati District Football Association MFA baksa chapatako man·a

2 Sampang 2025
World Breastfeeding Week 2025-ko Tura Christian Hospital-o gisik ra·e manianga

World Breastfeeding Week 2025-ko Tura Christian Hospital-o gisik ra·e manianga

1 Sampang 2025

BROWSE BY CATEGORIES

  • Editorial
  • Entertainment
  • Featured
  • Features
  • International
  • Meghalaya
  • National
  • North East
  • Sports
  • Uncategorised

BROWSE BY TOPICS

2024 Lok Sabha Election ACHIK AHAM Ampareen Lyngdoh Ampati Assam Baghmara bjp Chokpot Congress Conrad Sangma East Garo Hills Education Department Education Minister Rakkam Sangma Garo Hills Garo News GHADC GSMC GSU Lok Sabha election 2024 Manipur MeECL Meghalaya Meghalaya Cricket Association Meghalaya Games 2024 Meghalaya Police NEHU NGO North Garo Hills NPP PHE Rakkam Sangma reservation policy Resubelpara Saleng Sangma Selsella Shillong South Garo Hills South West Garo Hills SWGH TMC Tura West Garo Hills Williamnagar Winter Capital

POPULAR NEWS

  • Tura, Bokmagre-o dumper truck bolgniko wa·al so·a

    Tura, Bokmagre-o dumper truck bolgniko wa·al so·a

    0 shares
    Share 0 Tweet 0
  • Songsak jolo truck aro bike a·sel ong·e mande saksa a·damon janggi gala

    0 shares
    Share 0 Tweet 0
  • Tura Walbakgre bajaro bike aro scooty chatinggrike a·sel ong·a

    0 shares
    Share 0 Tweet 0
  • MBOSE HSSLC result ko May ni 8 tariko parakatgen

    0 shares
    Share 0 Tweet 0
  • Pakistan a·songna chake agangipa NGH-ni chadambe sakgniko police-rang rim·a

    0 shares
    Share 0 Tweet 0
Ku∙rongdik

© 2024 Ku∙rongdik
RNI No. - MEGGAO00012

Navigate Site

  • Meghalaya
  • North East
  • National
  • International
  • Editorial
  • Entertainment
  • Sports

Follow Us

No Result
View All Result
  • Meghalaya
  • North East
  • National
  • International
  • Editorial
  • Entertainment
  • Sports

© 2024 Ku∙rongdik
RNI No. - MEGGAO00012