Da·al salni budget session o Piggery mission ni ning·o man·a kragipa manderangni wakrangko jila kaaniko dakanio sabisirangko man·e wakrang sigenchimode sorkarinigita maiba dakchakani dongama ine Mawhati ni MLA Charles Marngar ni sing·anina, piggery mission ni ning·o maming tangka paisanigita dakchakani dongjawa ine Animal Husbandry & Veterinary Minister Alexander Laloo Hek aganangaha.
Ia session o Charles Marngar, a·doko African Swine Fever (ASF) sabisini a·sel wakrang siangani bidingo aro sabisiko champengnagita vaccine su·anirangko dakengama dakjaenga ine sing∙angaha. Unbaksana sorkarini on∙gipa loan rangko man·ahaon wakko jila kaanirangko dakgiparang baita ja ba bilsini gisepo gampilna nanga aro a∙doko chu·gimik badita piggery mission society rang gnang ine sing·anirangko dakangaha.
Sabisirangko champengna a·doko chu·ongagita vaccine rang dongan baksana badita wakrang siangenga see rakkiani donga aro bon·kame loan rangko bilsi 8 ni ja∙mano gampilna gita nanggen ine Hek aganchakangaha.
Indake ong·genchimoba wakrangko jile cha·giparangna uamangni a·dita wakrang gimaani kri gital dake jilanirangko a·bachengtaina tangka paisarangko on·e dakchakchinagita aro loan rangko on·ani bidingo manderangna name dake u·iatani ja·mansa loan ko on·chinaba Marnga, Veterinary ni Minister ko didiangaha. Loan ko on·ani somoion uamangna name dake talataniko on·an baksana 90 percent nigita jilenggipa wakrang sigenchimode insurance o pangchake wak mangprakko hajal bri ka·e man·pilna amani bidingo Hek u·iatangskaaha.
Unbaksana manderangna sualgimin wakrangara a·dokonima a·palchiniko ra·bae sualenga ine Banteidor Lyngdoh ni sing·anina, da∙o dipet wakrangko a·palonikosa ra·bae sualenga ine Hek aganchakangaha. Una agreba jilenggipa wakrang sianggenchimode sorkarini koros ka·enggiparang maming namgni grigipa ong·jachina sabisirangoniko naljoke rakkinagita Veterinary Hospital rangko a·doko nanga ine Ronnie V. Lyngdohni aganaha. Iani bidingo Upper Shillong o a·dokni Veterinary hospitalko riknagita PM Devine ni ning·o gong 30 crore na dorgastoko on·manaha ine skotong Minister Conrad Sangma aganangaha.
