Kobor rangko man·soanigitade, re·baenggipa Lok Sabha election na skang TMC aro Congress dolrangoni Garo Hills ni sak 4 gitcham MLA rang BJP dolo napnasienganiko knasonagita man∙aha. Ia gitcham MLA rang an·tangtangni BJP dolo napna kusi ong·aniko ku·watangaha ine koborrangko man·soaha.
Gitcham MLA rangoni saksa jean BJP dolo napna miksongenggipa mandeara a∙dokni gitcham Chief Minister Dr. Mukul Sangma ni meligiparangoni saksa ong·a ine parakataha. BJP dolo napna miksonga gnanggipa gitcham MLA rangni bidingo dilgiparang darangnaba u·iatgija ku·mitip ong·e dongenga ineba u·inagita man·angaha.
